Ginyang ginyang ginyang salidar diak oi
Soso soso soso sabana soso
Ilia banda mudiak banda
Batungkek batang kamulau
Basuo nan ganjia bana
Gadang koncek pado kabau
Tinggi ruok pado boto
Gadang pasak pado tiang
Dek jalan mangango ngango
Tapijak galamai urang
Apo gala abuak
Abuak rajo diateh
Dima ndak kamabuak
Dapek laki pancimeeh
Apo gala kaniang
Kaniang kiliran taji
Dima ndak ka paniang
Sampai kini tak babini
Apo galanyo mato
Mato rajo mancaliak
Dapek mintuo boco
Nyo baok honda dalam biliak
Apo gala nyo pipi
Pipi pauah di layang
Bujang lapuak tak babini
Lah dingin sajo lalok surang
Apo gala talingo
Talingo tumbuah di lereang
Maleh wak co iko
Dima duduak sinan bagunjiang
Apo gala bibia
Bibia kulai mangulai
Iyo bedo baranak pandia
Ndak namuah jadi marapulai
Apo galanyo gigi
Pangunyah patang jo pagi
Paniang wak dapek bini
Balanjo gadang tiok hari
Apo galanyo lidah
lidah untuak paraso
Kalau banyak pitih nan merah
Induak induak dakek sadonyo
Leave a Comment