Hilanglah rono nandek panyakik
Habih tuah dek bansaik diri
Usahkan rang lain nan kamangubik
Dunsanak dunsanak sajo manjauahi

Baitulah jikok nan pitih
Indak taganggam banyak ditangan
Cando balinduang di atok tirih
Lai bataduah bana kabasahan

Samaso lai usah disabuik
Jauh mandakek dakek marapek
Dima kok pintak kandak baturuik
Tak nyato jatuah lah upek

Galeh tauncang rumik lah datang
Kawan mahilang dunsanak maranggang
Sinan tabedo badan batenggang
Tapaso ditangguang surang

Kok pandai bana babagi
Mambari kiro kiro
Dek sangkek sadang lai
Mangko dapek iyo baiyo

Bagikan:

Tags:

Leave a Comment