malulua diak iyo saabih abih
malupokan nan sahilang hilang
jikok dapek indak tampak lai
biapun hanyo sabateh bayang
sio sio diak bakandak diri
maharok nan pai babaliak pulang

cinto putuih tak baiak di kana
biapun sungguah tumbuah manyasa
salahnyo adiak juo mambuek luko
kama baringgah mambagi cinto
saah rang tuo adiak baitu pulo
mahino bansaik diri denai ko

kini nan di tanam itu nan di tuai
usah di kana lupokanlah denai
kito lah samo dapek bimbiangan nan lain
di denai mujua sasuai lahia jo batin

tampuahlah oi adiak jalan alah talangkah
di denai hilang baganti buruak batuka
apo pancarian itu nan di makan
luko di buek sakik di tangguangkan

jikok kiniko adiak indak tasuo sanang
bamohon ka tuhan pintak lah ampunan

Bagikan:

Tags:

Leave a Comment