Mande nan denai sayang
Langang langang hati nan ko taraso langang
Mande di rantau urang
Antah seso kini ko antah lai sanang
Samanjak ayah tiado
Lah di japuik nan kuaso
Mande bak marantau cino
Baru ka pandai bajalan
Diri denai batinggakan
Kini tiado barito
Mande
Pulang lah mande ka kampuang
Caliak lah kain pambaduang
Sarato kain pandukuang
Nan lah lusuah lapuak tagantuang
Mande
Silau juo pusaro ayah
Kok samak tolong lah rambah
Batu mejan pun lah rabah
Doa pun kirim kan juo lah
Leave a Comment